文: Esther 發佈: 24/11/2022

夏天熱到妝都融，冬天又凍到面紫紫，難得有個郊遊地方輕輕鬆鬆影下相野餐。今次 101 編輯部就精選咗五個「輕郊遊」野餐打卡地點比大家隔離嘈雜既都市，一齊 chill 下！

輕郊遊野餐打卡熱點

廈門灣/半月灣

(圖片來源：IG@sophietingting)

半月灣出名水清沙幼，更加係香港十大達到一級水質的泳灘之一。唔講唔知，原來沙灘後面有一大片隱世草地同燒烤爐等設施！

圖片來源：IG@_kyylieee._)

交通十分便利，西貢海旁搭船去都係 20 分鐘直達半月灣，腳骨力都慳唔少。不過要留意，唔同船家既尾班船時間都唔同，記得要問清楚。
設施：洗手間、燒烤爐、更衣室、及小食亭等
交通：由西貢碼頭乘觀光船到半月灣
船期：朝早 8 點到夜晚 6 點，班次非固定 (約半小時一班)
船程：約 20 分鐘，先經橋咀頭碼頭，再到廈門灣(半月灣) 碼頭
票價：40 元(來回)

深涌大草原

(圖片來源：IG@felix85713)

一去到西貢深涌大草原，就好似入左個童話世界咁。景色翠綠，周圍群山環繞，仲有寧靜既淡水湖泊在旁，隱世仙景咁，野餐打卡一流！大草原前身是濕地，原本因發展高爾夫球場計劃，而將土地植上草皮。附近海邊可以近距離欣賞紅樹林生態，更有機會見到小白鷺添！

(圖片來源：OpenRice@來記士多)

草原內有一間深涌士多，只在假日營業，大家可以係到補給一下，或者品嚐特色香煎蠔餅和柴火煨鷄。

(圖片來源：IG@dan.hiker)

(圖片來源：IG@hkbus.fandom)

交通：
方法一	於馬料水碼頭（東鐵大學站對面）上船乘「馬料水至塔門」航線，深涌為中途站船程約 30 分鐘，走約 15 分鐘
方法二	沙田市中心乘搭 299X 巴士，水浪窩站下車車程大約半小時跟隨指示牌往「榕樹澳」方向走，步行約 45 分鐘

清水灣大坳門

(圖片來源：FB@shine.with.mi.)

清水灣大坳門位於香港最東邊，清水灣郊野公園內。除有一大片綠油油的草地，仲有個 360 度無敵大海景！呢度係全港最開揚嘅風箏場，唔少風箏愛好者同一家大細都會嚟放風箏。行上觀景台，可以見到果洲群島、青洲、東龍洲、橫瀾島及螺洲等風景。附近有小食亭同燒烤場，基本上可以玩足全日！

(圖片來源：IG@rainzoe_foto)

設施：洗手間、燒烤爐、及小食亭等

交通：
方法一	巴士路線 91 號
方法二	專線小巴路線 16／103／103M 步行約 30 分鐘。

迪欣湖

(圖片來源：IG@filmphoto.jennnnny)

迪欣湖是迪士尼所管理同設計人工湖畔公園，每行一步都感受到迪士尼夢幻氣氛，彷彿置身於迪士尼公主嘅後花園。

(圖片來源：IG@IG@momos_snapshot)

大家去迪欣湖通常都係人工湖－靈感之湖附近野餐，其實仲有個冇乜人知嘅秘境－迪欣湖植物園。前身為百年歷史財利船廠嘅迪欣湖，已經見唔到船廠嘅任何足跡，留低嘅，只有一棵 60 多年歷史嘅菩提樹。係樹底野餐，有種愛麗絲夢遊仙境嘅感覺，比起靈感之湖區，呢度格外悠閒。

(圖片來源：IG@cuenty4)

設施：洗手間、便利店、腳踏船，單車租借等
地址：香港新界大嶼山竹篙灣迪欣湖活動中心
開放時間：09:00am~19:00pm

交通：
方法一	香港迪士尼樂園度假區交通交匯處/乘巴士到逹青嶼收費廣場再轉乘R8 遁環線
方法二	迪士尼站步行約15 分鐘