文: Esther 發佈: 24/11/2022
相信各位主人都想同自己既主子一齊行街shopping去街街，但係究竟邊個商場係可以帶埋佢地一齊入去既呢？而且商場既配套又係咪適合佢地需要呢？今日同大家精選幾個寵物友善商場，地點遍佈港九新界，想知道既話就黎睇下啦！

精選港九新界寵物友善商場

- 港島區 -

(圖片來源：FB@The Pulse)
The Pulse係一個狗狗友善既商場，主人唔單單可以帶狗狗入去，仲可以俾佢地落地行，不過就要注意中、大型狗狗要拖返狗繩，避免危險！加上商場二樓有一個小型既寵物游樂場，俾毛孩們放放電。

(圖片來源：IG@li_cha_cha)
而且商場入面會間中搞市集，簡直就係狗狗同狗主們既好地方~

(圖片來源：IG@donuttcorgi)
2. 山頂廣場

(圖片來源：FB@Peak Galleria山頂廣場)
山頂廣場門口有好多空地，全部都pet friendly，佢地可以自由落地行。而且全個室內商場都歡迎小貓小狗入去，但係入到商場，就要幫佢地拖返繩啦~而且商場入面都有少量既餐廳可以帶寵物入去，同主人一齊食飯！

(圖片來源：IG@corgi_milktea)
而且商場3樓有一個天台花園，入面除左有涼亭同座位俾人類主人休息下之外，更加有一個露天草地，可以放心俾狗狗自由奔跑，呢到同時都可以望到維港~黃昏黎影相，仲可以影到靚靚夜景添！

(圖片來源：IG@corgi_loki_hk)
- 九龍區 -
1. D2 Place

(圖片來源：FB@D2 Place)
相信狗主們對於係荔枝角既D2 Place都唔陌生，佢主打「人寵購物新體驗」，場内歡迎毛孩進入，不過主人就要幫狗狗們戴上拖繩，並且手抱或者放入車車入面。商場入面亦有多間寵物用品商店，等主人們可以幫主子掃掃貨！

(圖片來源：IG@fukuxhk)
加上有個天台比狗仔放電，佈置擺設亦都會因應不同節日經常轉換，絕對係一個幫狗狗打卡既熱點~

(圖片來源：IG@singsing_the_mongrel)
2. K11 Musea

(圖片來源：FB@K11 Musea)
位於尖沙咀既K11 Musea係另一個petfriendly既商場，不過主人要注意寵物一定要手抱或者放入車車入面！而且商場可以免費租用寵物手推車，十分方便。不過手推車既數目有限，建議主子們如果假日帶寵物黎都係要自備啦！

(圖片來源：IG@momo.thegoldie)
商場入面有唔少寵物友善既餐廳同鋪頭，同寵物食飯shopping絕對唔係問題~而且有一個petgarden俾狗狗們跑下！

(圖片來源：IG@jaijai_thebordercollie)
- 新界區 -
1. YOHO MALL 形點

(圖片來源：YOHOMALL網站)
係元朗既YOHOMALL不時都會舉辦寵物市集，同時都有唔少既影相位，例如之前就有熊本熊既擺設，非常之可愛！

(圖片來源：IG@kuma.thegolden)
不過狗狗係商場唔可以落地行，一係手抱，一係坐車車。加上商場提供車仔租借服務，非常貼心~不過商場入面可以同寵物一齊食飯既餐廳唔多，比較適合主人同毛孩行街影相！

(圖片來源：IG@flossy_buibui)
2. 新城市廣場

(圖片來源：FB@NewTownPlaza新城市廣場 )
沙田新城市廣場入面有 Pets Park 寵物同樂園，入面有唔同既寵物遊樂設施、人工草地、動物隧道、平衡木等等，俾毛孩子放電！不過公園地方唔算大，假日都比較多人，可以的話建議大家平日黎~

(圖片來源：FB@NewTownPlaza新城市廣場 )
係室外玩完之後，就可以帶埋狗狗入商場行街，不過入去就要抱住狗狗，或者用車車，商場入面亦有寵物友善鋪頭同餐廳，等主人同主子一齊行街街。
編輯分享： Jetso 101Fun
Copyright©2023 101fun.hk
All rights reserved