文: Esther 發佈: 24/11/2022

平日都要返工返學，屋企既毛孩除左每日既散步時間以外，都好少去街街。得閒既時候梗係要帶佢地出去玩啦！唔知有咩地方可以帶寵物周圍去？咁就要bookmark定呢篇文啦~下面會介紹最受歡迎4大寵物友善既公園，快啲黎睇下啦！

最受歡迎四大寵物友善公園

1. 東岸公園

(圖片來源：網站@海濱事務委員會)

位於炮台山海濱嘅東岸公園面積非常大，有色彩繽紛既遊樂區，而且唔同節日都會有唔同既裝飾，啱晒同狗狗影靚相！而且仲可以包攬到維港嘅景色，不過假日都會比較多人，如果想慢慢放鬆打卡就建議閒日黎啦～各位主子已要注意，公園有部分地方都爲於露天，正值中午時分就唔建議寵物們落地，以免辣親腳仔！

(圖片來源：IG@mochi_shiba)

2. 彭福公園

(圖片來源：IG@sugus_bmd)

相信彭福公園應該係各位主子們都知道既好地方，佢係著名嘅寵物好去處，位於沙田馬場中央，更加有「狗界迪迪尼」既稱呼！

(圖片來源：IG@tate_miniature_milk_cow)

彭福公園占地9 萬平方米，除左有大大片既草坪，更加有湖同泥地，可以俾狗狗自由喪跑，盡情放電！入面亦有長櫈，主人們可以坐低休息下主，亦都可以約一班朋友黎野餐，人同狗都好好咁玩一日！

3. 西九龍海濱長廊

(圖片來源：IG@little_pipi_g)

西九文化區既環境比較新淨，不論係海傍定係草地都非常乾净，每逢放假都會有好多主子帶自己既寵物黎玩，非常適合帶狗狗們去認識下新朋友~

(圖片來源：IG@dobbyshiba)

除左一片草地可以任跑之外，仲可以同寵物一齊睇下海景！加上附近都有唔少寵物友善餐廳，現場都有水機可以refill水，就算玩足成日都唔驚口渴！

4. 屯門赤鱲角隧道（浩和街）

(圖片來源：IG@goprokinghk)

屯赤隧道既浩和街絕對係一個值得帶寵物黎既好地方！嗰到環境非常靚，有一大片草地，更加種植左一排既棕櫚樹，狗狗可以放心奔跑。

(圖片來源：IG@i.m.enzicorgi)

再加上一個大大既海景，伴住陣陣既海風，環境非常舒服~不過主人就要留意嗰到冇洗手間同埋附近冇乜商鋪，記住要自備食物或者食水入去啦！

編輯分享： Jetso 101Fun

其他推介

【2023公眾假期請假攻略】請3放10輕鬆自製長假！