香港郊野公園攝影暨短片比賽．現正接受報名！香港有大約40%嘅土地被劃為郊野公園作保育、教育同康樂用途，保護咗香港嘅自然景觀同生物多樣性，相信大家行山嘅時候，都有影過郊野公園嘅四時美景。既然係咁，一齊同大家分享你眼中嘅郊野公園美景喇！

為慶祝香港特別行政區成立25周年，我地誠邀各位郊友參加香港郊野公園攝影暨短片比賽！今次比賽有風景攝影組、手機風景攝影組同埋風景攝錄組，仲搵咗國家地理雜誌做支持媒體 除咗有豐富嘅獎金獎品，獲獎大作仲有機會喺網上平台同埋巡迴展覽展出，令你嘅作品畀多啲人欣賞！

未影到令人怦然心動嘅作品？可以報名參加6月18日免費網上攝影技巧工作坊，到時有專業攝影達人s分享實用攝影攻略，畀啲靈感大家創造出自己嘅大作！心動不如行動！報名工作坊同埋交相！

主題：香港郊野公園的優美景致
徵件日期：2022年6月1日至7月31日 23:59:59止（香港時間）

參賽組別：風景攝影組、手機風景攝影組、風景攝錄組（120秒內的作品）
*參賽作品須於徵件期結束日前3年內拍攝

每組獎品（得奬者將獲現金奬、奬狀及由國家地理雜誌送出的12期《國家地理雜誌中文版》（電子版））
・冠軍 獎金 $10,000
・亞軍 獎金 $5,000
・季軍 獎金 $3,000
優異獎（共兩名得獎者）獎金 $1,000

香港郊野公園 HongKongCountryParks HKCP 郊野資訊 香港郊野公園攝影暨短片比賽