Citi 提防疫苗抽獎騙案、疫苗中獎通知防騙貼士

Citi 提防疫苗抽獎騙案、疫苗中獎通知防騙貼士
2021-10-04

未中獎先破財?提防疫苗抽獎騙案!如果您收到短訊,話您已經成為疫苗抽獎嘅中獎者,喺開心之餘您會首先做咩?係即刻根據短訊指示click 入連結確認得獎資格定係上疫苗抽獎嘅官方網頁確認下短訊內容係咪屬實?如果您嘅選擇係前者,就有好大機會會墮入騙徒嘅陷阱。騙徒最鍾意利用一般市民嘅心急,引誘大家俾身份證、住址證明同銀行戶口等嘅個人資料,令您招致財務損失。

唔想俾騙徒得逞,喺收到疑似疫苗中獎通知嘅時候,應該先進入主辦單位嘅官方網站,留意官方描述嘅聯絡方式同會收集嘅個人資料係咪同短訊上所描述嘅吻合,同時千祈唔好隨意打開任何不明來歷嘅連結。

唔少主辦單位都會喺官方渠道公佈獲獎名單,大家可以透過呢個方式了解疫苗抽獎嘅最新資訊。進入以下連結,可以了解更多防騙貼士。如有任何懷疑,記得即刻聯絡所屬銀行及警方查詢。數碼Key睇緊啲,撳Link前要三思。
資料/圖片來源:Citi Hong Kong
編輯分享: Jetso 101Fun
Copyright©2023 101fun.hk
All rights reserved