新蒲崗室内射箭場享受無間斷射箭運動樂趣

文: Esther 發佈: 16/05/2023

古裝劇睇男女主角射箭就睇得多，不過自己射箭你又試過未？位於新蒲崗既AAC 昇準射箭會，佔地三千八百尺，有12條18米既靶道，地方非常大！而且環境整潔乾净，比人一種好舒適既感覺~

弓原來都有兩種?!

問下教練先知道原來呢到有兩種唔同既射箭活動可以體驗，分別係反曲弓同傳統弓。反曲弓同我地係古裝劇睇到既弓箭唔一樣，反曲弓既弓片係向外的，係現代競技弓既一種，亦係奧運射箭比賽唯一包括既弓種，而今日小編們就會黎體驗下反曲弓。

首先教練會幫我地戴上保護裝備先，以免我地比弓弦彈到。之後教練都講解左一啲安全事項，仲教左我地射箭既技巧同方法。射箭其實比想象中容易上手，小編們玩左一陣都已經掌握到，所以相信大家都一樣做到！

不過大家唔好睇射箭好似好靜態咁，其實都好攰架，因爲把弓都有一定既重量，而且拉弓都要用一定既力，所以大家千其唔好睇少射箭呢個運動啊！

玩完大概一個鐘之後，兩位小編都開始有啲攰啦，不過每次將箭射出去既感覺真係好舒暢，而當箭射中靶心既時候更加令我地感到非常之興奮！小編們都玩到有啲唔想走，真心推薦大家都去試下啊！

101fun專屬優惠

反曲弓箭課程

體驗班課程 $130

初班課程 $650

*名額有限，滿額即止

昇準射箭會 [ Alnasl Archery Club]

地址: 九龍新蒲崗雙喜街5號福和工業大廈10樓

電話: 3460 2200

編輯分享： Jetso 101Fun

其他推介

精選港九新界寵物友善商場